Цвет сайта
Расстояние между буквами
Шрифт
Изображения
Навигация

Өмірбаяны

Әбдікеров
Рысқали
Қалиақбарұлы

Конституциялық заңнама, сот жүйесі және құқық қорғау органдары комитетінің мүшесі.

Сенат депутаты болып Қарағанды облысынан сайланған.
Р.Қ. Әбдікеров 1959 жылы 12 маусымда Қарағанды облысы, Шет ауданының «Өспен» ауылында туған, ұлты қазақ. Мектептен кейін Е.А.Бөкетов атындағы Қарағанды мемлекеттік университетінің тарихи факультетіне түсіп, «тарих пәнінің мұғалімі» мамандығы бойынша бітірген (1981 ж.). 1991 жылы Алматы саясаттану және басқару институтын бітірді, «саясаттанушы». КарМУ-ды бітіргеннен кейін 1981-1983 жылдары Босаға орта мектебінің мұғалімі, Ақадыр аудандық комсомол комитетінің, Жезқазған облыстық комсомол комитетінің нұсқаушысы болып еңбек етті. 1983-1984 жылдары Кеңес Армиясы қатарында әскери борышын өтеді.

Р.Қ. Әбдікеровтың барлық еңбек жолы Жезқазған (бұрынғы) және Қарағанды облыстарына байланысты болды. 1985-1989 жылдары Жезқазған облыстық партия комитеті марксизм-ленинизм университетінің деканы, Жезді аудандық комсомол комитетінің бірінші хатшысы болды. 1990-2001 жылдары Ақадыр аудандық атқару комитеті төрағасының орынбасары, әкімшілігі басшысының, әкімнің орынбасары, Шет ауданы әкімінің бірінші орынбасары қызметтерін атқарды. 2001-2006 жылдары Ақтоғай ауданының әкімі, Қарағанды қаласы әкімінің орынбасары, 2006-2009 жылдары Ұлытау және Шет аудандарының әкімі, Қарағанды облысы әкімінің орынбасары болды. 2009-2016 жылдары Қарағанды облысының Осакаров және Шет аудандарында әкім болып қызмет етті. 2016-2017 жылдары Қарағанды облыстық мәслихатының хатшысы болды.

Үлгілі отағасы, жұбайымен бірге үш баланы тәрбиелеп өсірді, немерелі болды. Аудан, облыс басшылығы деңгейіндегі қызметтерді атқарып, өзін іскер, білікті басшы, шебер ұйымдастырушы ретінде көрсетті. Ол бар күш-жігерін, білімін Қарағанды облысының әлеуметтік-экономикалық дамуына жұмсап, ел сенімін ақтай білді.

«Нұр Отан» партиясының мүшесі. «Құрмет» орденімен, «Ерен еңбегі үшін» медалімен марапатталған.