Цвет сайта
Расстояние между буквами
Шрифт
Изображения
Навигация

Өмірбаяны

Нұрғалиев
Жеңіс
Мирасұлы
Жеңіс Мирасұлы Нұрғалиев 1962 жылы 9 мамырда Қостанай облысы, Амангелді ауданы, Амангелді селосында дүниеге келген

         

Жеңіс Мирасұлы Нұрғалиев 1962 жылғы 9 мамырда Қостанай облысы, Амангелді ауданы, Амангелді селосында дүниеге келген.

1984 жылы Қостанай ауыл шаруашылығы институтын ғалым агроном мамандығы бойынша, 2001 жылы Орта Азиялық университеттің Қостанайдағы филиалын заңгер мамандығы бойынша бітірген.

Еңбек жолын Кеңес Армиясы қатарында борышын атқарған соң бастады. 1985 - 1987 жылдар аралығында Қостанай облысы Қостанай ауданы «Александровский» совхозының № 3 бөлімшесінде агроном болып жұмыс жасады. 2004 жылға дейін осы салада, сондай ақ Қостанай облысының мемлекеттік органдарында, коммерциялық құрылымдарда түрлі басшылық лауазымдарды атқарды.

2004 - 2006  жылдары – Қостанай облысы Сарыкөл ауданының әкімі.

2006 - 2008 жылдар аралығында Қостанай қаласының әкімі.

2008 - 2010 жылдары – Қостанай облысы әкімінің орынбасары.

2010 жылдан бастап осы кезге дейін Қазақстан Республикасы Парламенті Сенатының депутаты.

2017 жылғы 4 қыркүйектен бастап 2019 жылғы 2 қыркүйекке дейін Қазақстан Республикасы Парламенті Сенатының Аграрлық мәселелер, табиғатты пайдалану және ауылдық аумақтарды дамыту комитетінің төрағасы болып қызметтерін атқарды.

2019 жылғы 2 қыркүйектен бастап Қазақстан Республикасы Парламенті Сенатының Қаржы және бюджет комитетінің мүшесі.

Ол бірнеше мәрте мемлекеттік наградалармен: «Құрмет», «Парасат» және ТМД ПАА-ның «Содружество» ордендерімен, ТМД ПАА-ның Құрмет грамотасымен, «Парламенттік ынтымақтастықты нығайтқаны үшін» және  басқа да мерейтойлық медальдармен марапатталған.

Үйленген, екі баланың әкесі.