Цвет сайта
Расстояние между буквами
Шрифт
Изображения
Навигация

Новости

Депутат Ғ. Дүйсембаев Энергетика министрлігінің кеңейтілген алқа отырысына қатысты.

25.02.2020 0

Қазақстанда 2020 жылдың қорытындысы бойынша ЖЭК өндіру жоспары шамамен 3 млрд. кВтсағ. құрайтын болады.

Осы мәселеге бүгін, 25 ақпанда, Энергетика министрлігінің кеңейтілген алқа отырысында Энергетика министрі Нұрлан Ноғаев назар аударды,-деп хабарлайды ҚР ЭМ-нің баспасөз қызметі.
Жаңартылатын энергетика нарығы жыл сайын қарқынды өсуде. Мәселен, 2019 жылы 2018 жылдың ұқсас кезеңімен салыстырғанда 77,8% өсіммен 2,4 млрд.кВтсағ «жасыл» энергия өндірілді. Электр энергиясын өндірудің жалпы көлеміндегі жаңартылатын энергия көздерінің үлесі – 2,3%.


2019 жылы жаңартылатын энергия көздерінің (ЖЭК) 21 объектісі пайдалануға берілді. ЖЭК жобалары бойынша тартылған инвестициялардың жалпы көлемі 613 млн. АҚШ долларын құрайды, жалпы қуаты 1050,1 МВт-ты құрайтын жаңартылатын энергия көздерінің 90 объектісі іске қосылды.
2020 жылы жалпы қуаты 605,5 МВт-ты құрайтын 18 ЖЭК объектісін енгізу жоспарлануда. 2020 жылдың қорытындысы бойынша ЖЭК өндіру жоспары шамамен 3 млрд. кВтсағ. құрайтын болады.
Нұрлан Ноғаев айтып өткендей, 2019 жылы жиынтық қуаты 255 МВт құрайтын ЖЭК жобаларына арналған халықаралық аукциондық сауда-саттықтар электрондық форматта өткізілді. Сауда-саттық нәтижесі бойынша, 12 компания жиынтық қуаты 202 МВт-қа ЖЭК қолдау жөніндегі қаржы-есеп айырысу орталығымен 15 жылға келісімшарт жасасты.
2020 жылы «Қазақстан Республикасының кейбір заңнамалық актілеріне жаңартылатын энергия көздерін пайдалануды қолдау және электр энергетикасы мәселелері бойынша өзгерістер мен толықтырулар енгізу туралы» Қазақстан Республикасының Заңын қабылдау күтілуде.
Ұсынылған Заң жобасының тұжырымдамалық жаңашылдығы – маневрлік қуаттар құрылысын ынталандыру, ЖЭК-ті қолдауға бағытталған толассыз тарифті енгізу, ЖЭК-ті дамыту үшін қолайлы жағдай жасау.

Бөлісу