Цвет сайта
Расстояние между буквами
Шрифт
Изображения
Навигация

Жаңалықтар

Сенатор Владимир Волков Шамалған станциясындағы жаяу жүргіншілер көпірінің құрылысын тексерді

14.01.2020 158

Қазақстан Республикасы Парламенті Сенатының депутаты Владимир Волков жұмыс бабындағы сапармен Алматы облысындағы Қарасай ауданында болды.

Сенатор сапар барысында Ұмтыл ауылдық округінің аумағында орналасқан «Алель-Агро» құс фабрикасында болды. Кездесуде азаматтар депутатқа кәсіпорыннан шығатын жағымсыз иіске байланысты шағымдарын жеткізді. Тұрғындар шағымдарын қарауға Ұмтыл және Елтай ауылдық округтерінің жергілікті атқарушы билігінің өкілдері, прокуратура, сәулет, жер қатынастары, кәсіпкерлік, ауыл шаруашылығы бөлімдерінің қызметкерлері, сондай-ақ аудандық тауарлар мен қызметтердің сапасы мен қауіпсіздігін бақылау басқармасының басшылары шақырылды.

Кәсіпорын басшылығы дабыл алғаннан кейін өндіріс қалдықтарын жою тоқтатылғанын айтты. Орын алған келеңсіздікке байланысты құс фабрикасының өкілдері ақтала келіп: «Пеш 2019 жылдың 10 желтоқсанынан бастап жұмыс істемейді, оны бұзу жоспарланып отыр. Келісім-шартқа сәйкес өндіріс қалдықтары жоюы үшін басқа ұйымдарға әкетіледі. Саяжай тұрғындарының мазасын алмау үшін дезинфекция жұмыстарын күндіз өткізуге уәде берілді», - деді. Владимир Волков аудан активіне осы мәселені бақылауға алуды өтінді.

Парламент жоғарғы палатасының депутаты теміржол арқылы өтетін жаяу жүргіншілер көпірінің құрылысымен танысу үшін Шамалған станциясында болды. Бір топ Сенат депутаттары еліміздің Премьер-министрі А.Маминнің атына 2018 жылы депутаттық сауал жолдаған болатын.  Өйткені, жаяу жүргіншілер көпірінің және автожол өткелінің болмауына байланысты жергілікті тұрғындардың көптеген өтініштері болған еді. Жобалау-сметалық құжаттарды және техникалық сипаттамаларды зерделей келіп, Владимир Волков аудан тұрғындары үшін көпірдің ыңғайлы болуы керектігін атап өтті.

Бөлісу