Конституциялық заңнама, сот жүйесі және құқық қорғау органдары комитетінің көшпелі отырысы аясында сенаторлар еліміздегі заң білімінің сапасын арттыру жөніндегі үкіметтік мекемеаралық жұмыс тобының қорытындысы бойынша жоғары оқу орындарының профессор-оқытушылар құрамымен және студенттерімен кездесу өткізді.
Комитет төрағасы Владимир Волков шарада Конституцияға енгізілетін өзгерістерде демократиялық жаңаруды көздейтін маңызды саяси реформалар қамтылғанын айтты. Шын мәнінде, жаңа өзгерістер мемлекеттіліктің жаңа үлгісі – жаңа Қазақстанды дамытуға серпін береді.
Комитет депутаттары оқытушылар мен студенттердің барлық сұрақтарына жауап берді. Соңында сенатор Владимир Волков елдің болашақ заңгерлеріне арнап сөз сөйледі.
(Сенаттың Баспасөз қызметі, 74-72-27)
