Цвет сайта
Расстояние между буквами
Шрифт
Изображения
Қазақстан Республикасы
Парламентінің Сенаты

Жаңалықтар

Ольга Перепечина: Жаңа Қазақстан – өзгеріс үстіндегі әлемдегі жалпыұлттық ерекшелігімізді нығайту жолы

28.05.2022 69

ҚР Парламенті Сенаты Төрағасының орынбасары Ольга Перепечина Солтүстік Қазақстан облысының тұрғындарымен кездесті. Сенатор жұмыс сапары барысында Президенттің конституциялық реформаларын талқылауға және ағымдағы жылдың 5 маусымында өтетін республикалық референдумның маңызына ерекше назар аударды.

«Конституцияны бүкілхалықтық референдум арқылы өзгерту – ол Президенттің халыққа және оның ерік-жігеріне деген сенімінің айқын көрінісі. Референдум әрбір азаматқа ел тағдырын шешуге қатысуға мүмкіндік береді және жан-жақты демократияландыру мен Жаңа Қазақстанды құру жөніндегі бағытымызды нығайтады. Жаңа Қазақстан – бұл үнемі өзгеріп отыратын әлемде біздің жалпыұлттық ерекшелігімізді нығайтудың жолы», - деп атап өтті Ольга Перепечина.

Кездесуде сондай-ақ Конституцияға енгізілетін түзетулер және олардың қазақстандықтардың өміріне қалай әсер ететіні егжей-тегжейлі талқыланды. Кездесуге ауыл тұрғындары, мемлекеттік қызметкерлер, ЖШС еңбек ұжымдары мен шаруа қожалықтары қатысты. Сонымен қатар, тұрғындарды сумен қамтамасыз ету, кентішілік жолдарды жөндеу, ұялы байланыс пен интернеттің болмауы сияқты өзекті мәселелер де көтерілді.

(Сенаттың Баспасөз қызметі, 74-72-27)

Бөлісу