Цвет сайта
Расстояние между буквами
Шрифт
Изображения

Жаңалықтар

Сенаторлар Палата отырысының күн тәртібін бекітті

02.10.2023 216

Сенат Спикері Мәулен Әшімбаевтың төрағалығымен Палата Бюросының отырысы өтті. Онда депутаттар 5 қазан күні болатын Сенат отырысының күн тәртібін бекітті.

Соған сәйкес сенаторлар Палата отырысында «Түркі инвестициялық қорын құру туралы келісімді ратификациялау туралы» заңды қарайды. Бұл қор өңірішілік сауданы кеңейтуді және экономикалық қызметке қолдау көрсету арқылы ұйымға мүше мемлекеттердің экономикалық дамуына ықпал етуді көздейді.

Сонымен қатар депутаттар алдағы бейсенбіде «Қазақстан Республикасының Үкіметі мен Қытай Халық Республикасының Үкіметі арасындағы Тараптар мемлекеттерінің азаматтарына қатысты ақпарат алмасу туралы келісімді ратификациялау туралы» заңды қарайды. Аталған Келісім көші-қонды бақылаудың тиімділігін арттыруға және екі елдің ынтымақтастығын нығайтуға ықпал етпек.

Сондай-ақ отырыс кезінде Мәжіліс қабылдаған заңдар жұмыс үшін Сенаттың тұрақты Комитеттеріне бөлініп берілді.

(Сенаттың Баспасөз қызметі, 74-72-27. Суретті түсірген: Н.Байбулин)

Бөлісу