Новости

ҚР Парламенті Сенатының депутаты Бақытжан Тұрсынұлы Жұмағұлов Атырау қаласында өткен ҚР Ұлттық ғылым академиясының академигі, еліміздің мұнай-химия ғылыми мектебінің негізін қалаушы Нәдір Нәдіровтің 90 жылдығына арналған ХІV халықаралық ғылыми Нәдіров оқуларына қатысты. Халықаралық іс-шара барысында Сафи Өтебаев атындағы Атырау мұнай және газ университетінің базасында ашылған Химиялық инженерия және экология институтына Нәдір Нәдіровтің есімі беріліп, ескерткіш тақта ашылды. «Ғылыми дәстүрлер сабақтастығының және мамандыққа адалдықтың жарқын үлгісі» тақырыбында өткен іс-шараға облыс әкімі Махамбет Досмұхамбетов, Парламент Сенатының депутаты Бақытжан Жұмағұлов, «Қазмұнайгаз» акционерлік қоғамы директорлар кеңесінің мүшесі Ұзақбай Қарабалин мен ғалымның отбасы мен әріптестері сондай-ақ онлайн түрде Ресей, Әзербайжан және Қырғызстанның ғалымдары қатысты.