Цвет сайта
Расстояние между буквами
Шрифт
Изображения

Новости

Отандық қорғаныс-өнеркәсіп кешенін нығайту және оны дамыту

28.02.2024 0

Отандық қорғаныс-өнеркәсіп кешенін нығайту және оны дамыту

 Сенаттың Халықаралық қатынастар, қорғаныс және қауіпсіздік комитетінің депутаттары Президенттің «Әділетті Қазақстанның экономикалық бағдары» атты Қазақстан халқына Жолдауын іске асыру шеңберінде отандық әскери-өнеркәсіптік кешенді нығайту және оның даму перспективалары» тақырыбына арналған дөңгелек үстел өткізді.

Комитет төрағасы Андрей Лукин өз сөзінде Мемлекет басшысы Қасым-Жомарт Тоқаев Қазақстан халқына Жолдауында дамыған мемлекеттерде ұлттық қауіпсіздікті қамтамасыз етуде шешуші рөл атқаратын қорғаныс-өнеркәсіп кешенін нығайту мәселесіне ерекше назар аударғанын атап өтті. Президент өз Жолдауында қорғаныс-өнеркәсіп кешенін нығайту жөнінде бірқатар басым міндеттерді атап өткен болатын.

Дөңгелек үстел барысында өнеркәсіп және құрылыс министрінің орынбасары Азамат Бейіспеков отандық қорғаныс-өнеркәсіп кешенінің жай-күйі мен дамуы туралы баяндама жасады. Қорғаныс министрінің орынбасары Бақытбек Сыдықов өз кезегінде армияның қару-жарақпен және әскери техникамен жарақтандырылуы, қазақстандық өндірушілермен тығыз ынтымақтастық және мемлекеттік қорғаныс тапсырысы бойынша жеткізу ісіндегі проблемаларды шешуге дайындық туралы сенаторларға айтып берді.

Отырыста сонымен қатар «Семей инжиниринг» АҚ Бас директорының орынбасары, басқа да отандық қорғаныс өнеркәсібі ұйымдарының, сондай-ақ сарапшылар қауымдастығының өкілдері баяндама жасады.

Дөңгелек үстелге қатысушылар саланы құқықтық реттеуді одан әрі жетілдіру және қорғаныс-өнеркәсіп кешенін дамыту жөнінде ұсыныстар айтты.

 

Бөлісу