| Жауаптың қысқаша мазмұны |
Инвесторлардың құқықтарын қорғау мәселесі Қазақстан Республикасында прокуратура органдарының ерекше бақылауында. 2025 жылы Бас прокуратура инвестициялық келісімшарттардың орындалуына талдау жүргізіп, мемлекеттік органдар тарапынан заңбұзушылықтарды анықтады. Нәтижесінде негізсіз келісімшарттарды бұзу тәжірибесі тоқтатылып, 5 лауазымды тұлға тәртіптік жауапкершілікке тартылды. Сондай-ақ жобаларды Ұлттық цифрлық инвестициялық платформаға енгізу және инженерлік инфрақұрылым бойынша нақты ақпарат ұсыну тетіктері енгізілуде.
Инвестициялық жобаларды іске асыру барысы тұрақты түрде арнайы кеңестерде қаралады. 2025 жылы Инвестштабтың қолдауымен жалпы құны 115 млрд АҚШ долларын құрайтын 212 жоба бойынша мәселелер шешілді. Президент Жарлығына сәйкес инвестициялық омбудсмен функциясы Бас прокурорға жүктелді, сондай-ақ инвесторларды қорғау мақсатында «прокурорлық сүзгі» механизмі енгізілді.
Бас прокуратура жанынан Инвесторлардың құқықтарын қорғау комитеті құрылып, инвестициялық келісімшарттардың заңдылығына бақылау жүргізеді. Инженерлік инфрақұрылым тарту және шығындарды салықтық шегерімдер арқылы өтеу бойынша жаңа қолдау құралдары қарастырылған. Сонымен қатар, мемлекеттік органдар қызметкерлерін оқыту және өңірлерде түсіндіру жұмыстары жүйелі түрде жүргізілуде. Жалпы алғанда, инвесторлардың құқықтарын қорғау Үкіметтің ерекше бақылауында.
|
