Цвет сайта
Расстояние между буквами
Шрифт
Изображения
Навигация

Жаңалықтар

15.05.2021 9

Сенаттың Халықаралық істер, қорғаныс және қауіпсіздік комитетінің хатшысы Нұржан Нұрсипатов бастаған Қазақстан Парламентінің делегациясы НАТО Парламенттік Ассамблеясының онлайн-сессиясына қатысуда. Делегация құрамына Мәжіліс депутаттары Ерлік Тайжанов пен Артур Платонов та енген болатын.

13.05.2021 66

Сенат Спикері Мәулен Әшімбаевтың төрағалығымен Палата отырысы өтті. Онда депутаттар «2014 жылғы 29 мамырдағы Еуразиялық экономикалық одақ туралы шартқа Армения Республикасының қосылуы туралы 2014 жылғы 10 қазандағы шартқа өзгерістер енгізу туралы хаттаманы ратификациялау туралы» және «2014 жылғы 29 мамырдағы Еуразиялық экономикалық одақ туралы шартқа Қырғыз Республикасының қосылуына байланысты Қырғыз Республикасының 2014 жылғы 29 мамырдағы Еуразиялық экономикалық одақ туралы шартты, Еуразиялық экономикалық одақтың құқығына кіретін жекелеген халықаралық шарттарды және Еуразиялық экономикалық одақ органдарының актілерін қолдануы жөніндегі жағдайлар мен өтпелі ережелер туралы 2015 жылғы 8 мамырдағы хаттамаға өзгерістер енгізу туралы хаттаманы ратификациялау туралы» заңдарды қарап, қабылдады.

12.05.2021 30

Сенаторлар өткен аптада ел аймақтарында сапарда болды. Астана мен республикалық маңызы бар қалалар және еліміздің барлық облыстары түгел қамтылды. Сенаторлардың мұндай дәстүрлі сапарларының басты мақсаты-халықпен кездесу және азаматтарды толғандыратын мәселелерді талқылау болып табылады. Сенаторлар бұл жолы 200-ден астам кездесу өткізді, жерлестерінің аманатын жинақтады, еліміз Президенті Қасым-Жомарт Тоқаевтың бастамасымен қолға алынған реформалар мен Палатаның заң шығару қызметінің нәтижелері туралы хабардар етті.

12.05.2021 27

Сенат депутаттары Бақытжан Жұмағұлов, Динар Нөкетаева және Ләззат Сүлеймен Қ.Сәтбаев атындағы Қазақ Ұлттық техникалық зерттеу университетіне барып, оқу орнының ғалымдарымен кездесті.

11.05.2021 34

Сенатор Қанатбек Сафинов кәсіпкерлермен және квазимемлекеттік сектор өкілдерімен мемлекеттік функцияларды бәсекелес ортаға беру мәселелерін талқылады. Депутат дамудың осы кезеңінде мемлекет өзінің барлық функцияларынан бас тарта алмайтынын, сондай-ақ қазір әріптестік қағидаттарды қолдану аясын белсенді түрде кеңейту маңызды екенін атап өтті. Пікірлесу сипатында өткен кездесу барысында қатысушылар ойларын ортаға салып, осы мәселенің даму келешегін талқылады.

11.05.2021 33

Сенатор Ғұмар Дүйсембаев Индер ауданында 1972 жылы салынған су тазарту станциясын күрделі жөндеу жұмыстарының нәтижелерімен танысты. Тексеру барысында ол тұрғындарды таза ауыз сумен қамтамасыз етудің маңыздылығын атап өтті. Оның үстіне, Атырау облысы үшін бұл проблема әлі де маңызды болып отыр. Сенатор еліміздің Министрлер Кабинеті басшылығының атына жолдаған депутаттық сауалында оны шешу қажеттігін бірнеше рет көтерген болатын.

11.05.2021 41

Сенатор Рысқали Әбдікеров Қарағанды облысы Жаңаарқа аудандық мәслихатында сайланған депутаттарымен мәслихаттар жұмысының негізгі қағидаттары мен жаңа әдістерін талқылады. Еліміз Президентінің жаңғырту жөніндегі күн тәртібіндегі тармақтардың бірі болғандықтан сенатор өңірге сапарында жергілікті басқару институттарының рөлін күшейтуге ерекше назар аударды.

11.05.2021 36

Сенатор Владимир Волков Алматы облысының Талғар ауданында болып, облыстық мәслихат хатшысымен кездесті. Олар ауданның әлеуметтік-экономикалық дамуын және басқа да бірқатар мәселелерді талқылады.

11.05.2021 43

Сенат депутаты Ақылбек Күрішбаев Нұр-Сұлтан қаласында жергілікті мүлік иелері бірлестіктерінің төрағаларымен кездесіп, аулаларды абаттандыру және инфрақұрылымды дамыту жұмыстарына назар аударды. Аталған бірлестіктердің кейбірі жуырда ғана құрылған. Соған қарамастан, үйді басқару, жөндеу және инфрақұрылымын жақсарту бағытында бірқатар нәтижеге қол жеткізген.

11.05.2021 35

Сенат депутаттары Мұхтар Жұмағазиев пен Бауыржан Қаниев Ақтөбе облысының Темір ауданында болды. Сенаторлар "Қандыағаш-Мақат" автомобиль жолының бөліктерін жаңғырту барысын тексерді. Жол құрылысшыларының айтуынша, биыл бұл жерде көлік қозғалысы басталады.

11.05.2021 64

ҚР Парламенті Сенатының Бюро мүшелері Палатаның биылғы жылдың 13 мамырында өтетін отырысының күн тәртібін бекітті. Сенаторлар "2014 жылғы 29 мамырдағы Еуразиялық экономикалық одақ туралы шартқа Армения Республикасының қосылуы туралы 2014 жылғы 10 қазандағы шартқа өзгерістер енгізу туралы хаттаманы ратификациялау туралы" заң жобасын қарайтын болды. Құжат Еуразиялық экономикалық одақтың Бірыңғай кедендік тарифтерін толық имплементациялауға дейін кедендік баждардың төмендетілген мөлшерлемелерін қолдануда Армения Республикасына өтпелі кезеңді 1 жыл мерзімге ұзарту жөніндегі уағдаластықтарды іске асыру үшін әзірленген болатын.

11.05.2021 41

Шығыс Қазақстан облысының Риддер қаласында болған жойқын өрттің салдарынан ондаған үй отқа оранып, жанып кетті. Өкінішке қарай, адам шығыны да тіркелді.

08.05.2021 48

Сенаттың Қаржы және бюджет комитетінің төрағасы Ольга Перепечина Солтүстік Қазақстан облысының медицина қызметкерлерімен денсаулық сақтау саласын қаржыландыру мәселелерін талқылады.

08.05.2021 59

Сенаторлар Жеңіс Нұрғалиев пен Сергей Карплюк зауыт және кәсіпорын басшыларымен кездесуде еліміздің автомобиль өнеркәсібін дамыту мәселелері мен келешегін талқылады. Кездесу Қостанай қаласындағы "Агромашхолдинг KZ" локализациялық орталығының базасында өтті.

08.05.2021 54

Сенатор Нұрлан Бекенов Ақмола облысында болып, әлеуметтік маңызы бар бірнеше нысанды аралады.