Цвет сайта
Расстояние между буквами
Шрифт
Изображения
Қазақстан Республикасы
Парламентінің Сенаты

Жаңалықтар

20.01.2022 38

Сенат Спикері Мәулен Әшімбаевтың төрағалығымен Палата отырысы өтті. Онда депутаттар Бейбіт Исабаевты Әлеуметтік-мәдени даму және ғылым комитетінің төрағасы етіп сайлады. Ал бұған дейін осы Комитеттің төрағасы болған Мұрат Бақтиярұлы Халықаралық қатынастар, қорғаныс және қауіпсіздік комитетінің мүшесі болып сайланды. Мәулен Әшімбаев Мұрат Бақтиярұлына Комитет төрағасы ретінде атқарған еңбегі, заңнамалық жұмысқа және азаматтарды алаңдатқан өзекті мәселелерді шешуге қосқан үлесі үшін алғыс білдірді.

17.01.2022 37

Сенат Спикері Мәулен Әшімбаевтың төрағалығымен Палата Бюросының отырысы өтті. Онда 2022 жылғы 20 қаңтарда өтетін Сенат отырысының күн тәртібі бекітілді.

17.01.2022 48

Сенат пен Мәжіліс депутаттары еліміз Президенті Қасым-Жомарт Тоқаевтың «Қазақстан халқына» қоғамдық әлеуметтік қорын құру туралы бастамасын қолдай отырып, өздерінің бір күндік жалақысын осы қорға аударды.

13.01.2022 91

Сенат Спикері Мәулен Әшімбаевтың төрағалығымен Палата отырысы өтті. Жиынды ашқан Сенат Төрағасы соңғы күндері елімізде болған қайғылы оқиғаға тоқталып, қаза тапқан құқық қорғау қызметкерлерінің және бейбіт тұрғындардың отбасылары мен жақындарына көңіл айтты. Сондай-ақ зардап шеккен азаматтардың тезірек сауығып кетуіне тілектестігін білдірді.

11.01.2022 41

Бүгін енді Мемлекет басшысы мынау Мәжіліс депутаттарымен бірге өткен жиында халыққа өзінің біраз мәселелерін айтқан болатын. Енді бұл мәселелердің барлығы да барша қазақстандықтардың ойында жүрген көкейтесті мәселелер. Осы мәселелерді Президент тек айтып қана қойған жоқ, және оны шешу жолдарымен нақты тапсырмаларды Үкімет алдына қойды және белгілі мерзім берді. Енді жаңа Үкімет құрамы тағайындалып болғаннан кейін осы мәселелерді шешуге арнайы жаңағы жұмыс тобы құрылатын және осы мәселелермен жаңа Үкімет айналысатынын да айтып өтті.

11.01.2022 27

Бүгін Мемлекет басшысы Қасым-Жомарт Кемелұлы Елімізге маңызды үндеу жариялады.

11.01.2022 61

Бүгін Мемлекет басшысы өзінің бағдарламалық сөзінде еліміздің алдында тұрған әлеуметтік-экономикалық және қоғамдық-саяси салалардағы негізгі басымдықтарды белгілеп берді. Сондай-ақ Үкіметтің жаңа құрамына және барлық мемлекеттік аппаратқа нақты міндеттер жүктеді.

11.01.2022 27

«Президент Қасым-Жомарт Тоқаев елімізде қалыптасқан жағдайға түбегейлі өзгеріс керек екеніне мүдделі екенін көрсетті. Ең алдыменен билік халықтың сенімін қайтарып алу керек. Билік халыққа есепте болуы және билікпен халық бірге болуы керек. Бұл халықтың да айтып отырған талабы.

11.01.2022 42

Қазақстан Президентінің бүгінгі сөзі тарихи сөз болды деп есептеймін. Өйткені жаңа Қазақстанды бірге құрайық деген сөзбен аяқтады. Барлық ел өміріндегі өзекті мәселелер ортаға салынды, ашық айтылды. Соның ішінде елдің дамуына негізгі өзек болатын экономикалық саясат, оның ішінде өнеркәсіпті дамыту, өңдеу өнеркәсібін дамыту, тау-кен өнеркәсібін дамыту, ауыл шаруашылығын дамыту, ауыл шаруашылығын субсидиялау мәселелері, сонымен бірге халықтың осы ең қиналған мәселесінің бірі – инфляцияны, яғни бағаның шарықтауын ауыздықтау мәселесіне байланысты, білім сапасын арттыруға байланысты, халықты толғандырып отырған денсаулық мәселесі, әлеуметтік жағдайы деген мәселелердің барлығы да ортаға айтылды, сарапқа салынған салиқалы сөз болды деп бағалауға болады.

11.01.2022 43

Барша қазақтың ең қастерлі киесі – тәуелсіздікке қауіп төнді. Қаңтардың алғашқы күндерінен бастап халқымыз алаң күй кешуде. Қазақстанда орын алған оқиғалар бүкіл әлем жұртшылығын абыржытуда.

10.01.2022 84

Құрметті достар! Соңғы күндері еліміздің бірқатар өңірінде болған қайғылы оқиғалар салдарынан біраз азаматымыздан айрылып қалдық. Соған байланысты Президентіміз Қасым-Жомарт Кемелұлы Тоқаев 10 қаңтарды Жалпыұлттық аза тұту күні деп жариялады.

06.01.2022 57

Елдегі ахуал бәрімізді алаңдатып отыр. Жағдайды тұрақтандыру үшін мемлекет тарапынан жедел шаралар қабылдануда. Президентіміз Қасым-Жомарт Кемелұлы Тоқаев тиісті мемлекеттік органдарға бірқатар шұғыл тапсырма берді. Кеше кешкісін Мемлекет басшысы Қауіпсіздік Кеңесінің Төрағасы ретінде Кеңестің отырысын өткізді. Жиында еліміздің тұрақтылығына қауіп төндірген террористік және қылмыстық әрекеттермен күрес мәселелері талқыланды.

05.01.2022 70

Бұл күндері елімізде болып жатқан оқиғалар барша қазақстандықтарды толғандырып отыр. Сенат депутаттары осыған байланысты арандатуға ұрынбай ақылмен шешім қабылдау туралы Президенттің үндеуіне қолдау білдірді. Сенат Төрағасы Мәулен Әшімбаев бұдан былайғы даму үшін тұрақтылық пен тыныштықты сақтау ұстанымы аса маңызды екенін айтты.

30.12.2021 88

Бүгін Сенат Спикері Мәулен Әшімбаевтың төрағалығымен Палатаның биылғы қорытынды отырысы өтті. Онда депутаттар 3 мәселені қарады.

29.12.2021 64

Сенаттың Аграрлық мәселелер, табиғатты пайдалану және ауылдық аумақтарды дамыту комитетінің депутаттары Қазақстан Республикасы Ауыл шаруашылығы министрлігінің басшылығымен кездесу өткізді. «Қазақстан Республикасының кейбір заңнамалық актілеріне жайылымдарды пайдалану мәселелері бойынша өзгерістер мен толықтырулар енгізу туралы» заң жобасын әзірлеу барысы күн тәртібіндегі негізгі мәселе болды. Парламент Сенаты депутаттарының бастамасымен әзірленген бұл заң жобасы жайылымдарды басқару және пайдалану саласындағы заңнаманы жетілдіруге бағытталып отыр.