Цвет сайта
Расстояние между буквами
Шрифт
Изображения
Қазақстан Республикасы
Парламентінің Сенаты

���������������������� ������������

Мәулен Әшімбаев Ватиканның Апостолдық нунциімен кездесті

01.12.2022 110

Қазақстан Республикасы Парламенті Сенатының Төрағасы Мәулен Әшімбаев Ватиканның Қазақстандағы Апостолдық нунциі архиепископ Фрэнсис Ассизи Чулликатпен кездесті. Оның еліміздегі қызметі аяқталып жатыр.

Кездесу барысында тараптар биылғы қыркүйекте Астанада өткен Әлемдік және дәстүрлі діндер көшбасшыларының VII съезінің қорытындыларын, сондай-ақ Рим Папасы Францисктің Қазақстанға апостолдық сапарының нәтижелерін талқылады. Мәулен Әшімбаев понтификтің Съезге қатысуының маңызы жоғары екенін айтты. Сонымен қатар ол Қазақстан алдағы уақытта да жаһандық дінаралық және өркениетаралық диалогты ілгерілету жолында белсенділік танытуға ниетті екенін атап өтті.

Одан бөлек, сұхбаттасушылар Қазақстан мен Ватикан арасындағы ынтымақтастықты одан әрі дамыту перспективаларын талқылады. Сондай-ақ олар екіжақты және көпжақты бағытта бірлесіп жұмыс істеуге дайын екендерін жеткізді.

(Сенаттың Баспасөз қызметі, 74-72-27. Суретті түсірген: Н.Байбулин)

Бөлісу