Мемлекет басшысының шешімімен коронавирус індетінен қайтыс болған азаматтарды еске алу үшін 13 шілде Ұлттық аза тұту күні болып жарияланды. Соған байланысты бүгін барша қазақстандық аза тұтуда.
Өкінішке қарай, қабылданған шараларға қарамастан, пандемия Қазақстанды да айналып өтпеді. Осы дерттің салдарынан болған әр қаза – бүкіл еліміз үшін орны толмас ауыр қайғы. Көз жұмған жандардың қатарында зиялы қауым өкілдері, мемлекет қайраткерлері және соңғы демі қалғанша өзгенің өміріне араша түсіп, күресіп өткен дәрігерлеріміз бар.
Қазақстан Республикасы Парламенті Сенатының депутаттары мен аппараты індеттен құрбан болған азаматтардың туыстары мен жақындарына орны толмас қайғыларына ортақтасып, көңіл айтады!
