Новости

2018 жылғы 1 шілдеден бастап 31 тамыз аралығында Парламент Сенатының депутаттары Дәурен Әділбеков пен Рашит Әкімов Ақмола облысында Елбасының «Бес әлеуметтік бастамасының» орындалу барысымен әсіресе «7-20-25» бағдарламасының орындалуымен танысып, өңір тұрғындарының алдында Парламенттің былтырғы жылғы заң шығару жұмысының қорытындысы туралы есеп берді.

Атап айтқанда, Целиноград, Аршалы, Зеренді, Ерейментау, Жақсы және Есіл аудандарының тұрғындарымен бірқатар кездесулер өтті.

Кездесулер барысында сенаторлар заңнамалық жаңалықтарды түсіндірумен қатар, Президенттің бес әлеуметтік бастамасын іске асыру кезінде туындап жатқан проблемалық мәселелері талқылап, аудан тұрғындарының сұрақтарына жауап берді.