Мемлекеттік аудит және қаржылық бақылау туралы» Қазақстан Республикасының Заңына өзгерістер мен толықтырулар енгізу туралы
Заң жобасы Қазақстан Республикасы Парламенті депутаттарының бастамасымен мемлекеттік аудит жүйесін одан әрі жетілдіру мақсатында әзірленген.
Онда экономиканың кейбір салаларын дамытудағы мемлекеттік органдар мен квазимемлекеттік сектор субъектілерінің қызметін бағалау негізінде мемлекет қаражаты мен активтерін пайдалану мен басқарудың тиімділігін одан әрі арттыруға ықпал ететін құқықтық тетіктері жақсартылған. Сонымен қатар, аудиторлардың жауаптылығы күшейтіліп, ұсынымдар институты енгізілуде. Бұлар мемлекеттік аудиторларды кәсибилендірудің келесі кезеңі болып табылады.
Тұтас алғанда, заң жобасы Қазақстан Республикасы Конституциясының нормаларына және қолданыстағы заңнамалық актілеріне сәйкес келеді. Заң жобасын қабылдау және іске асыру мемлекеттік бюджеттен қосымша қаржы шығындарын талап етпейді, сондай-ақ теріс әлеуметтік-экономикалық және құқықтық салдарға әкеп соқтырмайды.
