«1998 жылғы 6 шілдедегі Қазақстан Республикасы мен Ресей Федерациясы арасындағы Жер қойнауын пайдалануға арналған егемендік құқықтарды жүзеге асыру мақсатында Каспий теңізі солтүстік бөлігінің түбін межелеу туралы келісімге Хаттамаға қосымша хаттаманы ратификациялау туралы»
Комитет отырысы
28.11.2018 ж.
Қазақстан мен Ресейдің екіжақты әріптестігі дамыуның басым бағыттарының бірі Каспийдегі көмірсутек шикізатын барлау, өндіру және тасымалдау саласындағы ынтымақтастық болып табылады.
Алайда, Каспий қайраңындағы Қазақстан мен Ресейдің мұнай-газ ынтымақтастығы өзінің құқықтық ресімдеуін Тараптар 1998 жылғы 6 шілдедегі Жер қойнауын пайдалануға арналған егемендік құқықтарды жүзеге асыру мақсатында Каспий теңізі солтүстік бөлігінің түбін межелеу туралы Келісімге қол қойғаннан бастайды.
Өз кезегінде, жоғарыда көрсетілген құжатқа Қосымша хаттаманың әзірленуі Тараптардың уәкілетті ұйымдарына Каспий теңізі қайраңының қазақстандық бөлігінде орналасқан "Құрманғазы" құрылымының келісім-шарттық аумағында одан әрі барлауды жалғастыруға мүмкіндік береді және де қазақстандық және ресейлік мұнай-газ жобаларының құрлықтан Каспий қайраңына сәтті шығуына жаңа серпін береді.
Заң жобасы бойынша жауапты мемлекеттік орган ҚР Энергетика министрлігі болып табылады. Комитет депутаттарынан басқа ұсыныстар болған жоқ, сондықтан заң жобасын қолдап бас комитетке оң қорытынды жолданды.
