«Қазақстан Республикасының кейбір заңнамалық актілеріне ветеринария мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы Комитет отырысында қаралды.
«Қазақстан Республикасының кейбір заңнамалық актілеріне ветеринария мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы:
ветеринария саласындағы қызметті одан әрі жетілдіру;
ветеринария саласындағы құқықтық реттеуде олқылықтарды, қайшылықтарды және коллизияларды жою;
Еуразиялық экономикалық одақтың кедендік шекарасында мемлекеттік ветеринариялық бақылауды (қадағалауды) жүзеге асыратын мемлекеттік әкімшілік қызметшілерді іссапарға жіберу тәртібін айқындау;
ветеринариялық паспорт жүргізуді электрондық нысанға көшіру;
мемлекеттік ветеринариялық-санитариялық бақылау мен қадағалауды жүргізу кезінде фото-бейне түсірілімдерді жүзеге асыру және техникалық құралдарды пайдалану арқылы сыбайлас жемқорлық құқық бұзушылық жасауға ықпал ететін себептер мен жағдайлардың туындау мүмкіндіктерін болдырмау мақсатында әзірленген.
Заң жобасын қабылдау теріс әлеуметтік-экономикалық салдардың туындауына әкеп соқпайды және бюджеттен қосымша қаржы шығындарын талап етпейді.
