Сенатор Ғ. Дүйсембаев Армениядағы парламенттік сайлауды байқауға қатысты
20 маусымда Арменияда парламенттік сайлау өтті. ҚР Парламенті Сенатының депутаттары Ғұмар Дүйсембаев, Мұхтар Жұмағазиев және Дүйсенғазы Мусин сайлау барысын байқауға қатысты. Олар ЕҚЫҰ ПА, ҰҚШҰ ПА және ТМД ПАА-дан халықаралық байқаушылар құрамына кірген болатын.
Ғұмар Дүйсембаев ЕҚЫҰ ПА байқаушыларына арналған практикалық мәселелер жөніндегі брифингке қатысты.
Сенаторлар парламенттік сайлауға кандидаттарды ұсынған саяси партиялардың өкілдерімен кездесті. Сондай-ақ сайлау учаскелерінің дауыс беруге дайындығымен танысу үшін сайлау учаскелеріне барды.
Сенаторлар дауыс беру күні сайлау барысына мониторинг жүргізіп, халықаралық байқаушылар топтарының қорытынды жиналыстарына қатысты.https://senate.parlam.kz/kk-KZ/news/details/5000