Өмірбаяны

Қазақстан Республикасы Президентінің Жарлығымен Қазақстан Республикасы Парламенті Сенатының депутаты болып тағайындалды.

Аграрлық мәселелер, табиғатты пайдалану және ауылдық аумақтарды дамыту комитетінің мүшесі.

1969 жылы 30 қаңтарда Алматы қаласында туған.

Білімі: кәсіптік-техникалық және жоғары, «КТУ-16 Алматы құрылыс техникумы» «Құрылыс паркет ұстасы» мамандығы бойынша және Алматы гуманитарлық-экономикалық университетін «Құқықтану» мамандығы бойынша бітірген.

Еңбек өтілі:

• «Ремстройтехника» өндірістік бірлестігінде 5-разрядты ағаш ұстасы, білдекте істейтін жұмысшы (1990-1991);
• «Төрт и К» шағын өндірістік коммерциялық кәсіпорынның бас монтаждау бөлімінің нұсқаушысы (1991-1992);
• «Бірлік» ШЖК директорының орынбасары (1992-1993);
•  «Назигум» шағын жеке кәсіпорнының директоры (1993-1996);
• «Универсал» АҚ президенті (1996-1999);
• «Универсал» ЖАҚ директоры, бас директоры, «Бент-Анак» БК бас директоры (1999-2005);
• «Жаркент крахмал-сірне зауыты» ЖШС бас директоры (2005-2008);
• «Универсал» ЖШС президенті, Байқау кеңесінің төрағасы, бас директорының кеңесшісі (2008-2010);
• «Жаркент крахмал-сірне зауыты» ЖШС құрылтайшысы (2005 жылдан бастап), «Жаркент крахмал-сірне зауыты» ЖШС, «Универсал» ЖШС директорлар кеңесінің төрағасы.

Сайланбалы лауазымдар, депутаттық:

• V-VI сайланған Алматы облыстық мәслихатының депутаты, Бюджет, тарифтік саясат, заңдылықты қамтамасыз ету мәселелері жөніндегі тұрақты комиссияның мүшесі (2016-2022);
• Қазақстан халқы Ассамблеясының мүшесі (2017 жылдан бастап), Қазақстан халқы Ассамблеясы төрағасының орынбасары (11.2020-28.04.2022);
• Қазақстан халқы Ассамблеясынан VII сайланған Қазақстан Республикасы Парламенті Мәжілісінің депутаты (28.04.2022-19.01.2023);
• Қазақстан Республикасы Парламенті Сенатының депутаты (25.01.2023 жылдан бастап);
• Қазақстан ұйғырларының республикалық этномәдени орталығы Алматы облысындағы филиалының төрағасы; Алматы облысындағы «Атамекен» өңірлік кеңесінің мүшесі; «Универсал» компаниялар тобының Байқау кеңесінің төрағасы.

Мемлекеттік және халықаралық наградалар, сыйлықтар, құрметті атақтар: 

Қазақстан Республикасы Президентінің «Алтын сапа» сыйлығының лауреаты, «2007 жылдың үздік кәсіпкері»; «Құрмет» орденінің иегері; «Ерен еңбегі үшін» медалі; Қазақстан халқы Ассамблеясының «Бірлік» алтын медалінің иегері; «Халық алғысы» медалі; «Алтын Жүрек» қоғамдық ұлттық сыйлығының лауреаты; Қазақстан Республикасы Тәуелсіздігінің 30 жылдығы мерекелік медалі; Қазақстан Республикасы Парламенті Сенатының Құрмет грамотасы; Nur Otan партиясының «Белсенді қызметі үшін» медалі; «Қазақстан Республикасының құрметті азаматы» атағы; «2007 жылдың үздік кәсіпкері» «IMPORT EXPORT AWARD» ордені; интеграциялық процестерді дамытуға қосқан жеке үлесі үшін «United Europe» халықаралық сыйлығының (біріккен Еуропа) және «Жылдың үздік топ-менеджері» халықаралық дипломымен және Құрмет белгісінің («Best Manager of the Year») иегері; Панфилов ауданының құрметті азаматы. «Үздік инженер» атағы бар.

25-тен астам ғылыми жұмыстың авторы. Спортты, білім мен мәдениетті, денсаулық сақтауды қолдауға, Алматы облысы мен Қазақстан Республикасының аз қамтылған азаматтары үшін азық-түлік өнімдеріне қомақты қаражат бөле отырып, жыл сайын қайырымдылық акцияларын өткізеді.

Кеңес Армиясының Қарулы күштеріндегі қызмет (1988-1990).