Новости

Парламент Сенатының депутаты Сафинов К.Б. «Теміртау қалалық аңшылар мен балықшылар қоғамы» қоғамдық бірлестігінің өкілдерімен кездесу өткізді. Отырыста шағын және орта бизнесті қолдау мәселелері, сондай-ақ мемлекеттік-жеке меншік әріптестік тетіктері негізінде жеке кәсіпкерлікті осы салаға тарту арқылы табиғатты қорғауды күшейту мәселелері талқыланды.

Отырыс барысында Қазақстан Республикасының Парламенті Мәжілісінің қарауындағы «Туризм саласындағы мәселелер бойынша кейбір заңнамалық актілерге өзгерістер мен толықтырулар енгізу туралы» Заң жобасына толықтырулар мен өзгертулер талқыланды. Бұл түзетулер экотуризмді дамытуға, ерекше қорғалатын табиғи аумақтарды дамытуға, жеке инвестицияларды тартуға бағытталған.