«Қазақстан Республикасының кейбір заңнамалық актілеріне сайлау мәселелері бойынша өзгерістер мен толықтырулар енгізу туралы»
Аталған Заң жобасы «Қазақстан Республикасындағы жергілікті мемлекеттік басқару және өзін-өзі басқару туралы», «Саяси партиялар туралы», «Әскери қызмет және әскери қызметшілердің мәртебесі туралы» «Қазақстан Республикасының мемлекеттік қызметі туралы» заңдарға және мынадай бөлікте түзетулер енгізуді көздейді:
1) әкімнің өкілеттігін:
- соттың заңды күшіне енген шешімі бойынша әкімнің қайтыс болуы, әрекетке қабілетсіз, әрекет қабілеті шектеулі, хабар-ошарсыз кеткен деп танылуы не оны қайтыс болды деп жариялау туралы сот шешімі;
- өзі ұсынған саяси партияны қайта ұйымдастыру және тарату жағдайларын қоспағанда, саяси партияға мүшелігі тоқтатылған;
- жоғары тұрған әкімнің аудан (облыстық маңызы бар қала) мәслихатының депутаттары, оның ішінде жергілікті қоғамдастық жиналысының бастамасы бойынша әкімге қатысты сенімсіздік вотумын қабылдауы;
- Қазақстан Республикасының азаматтығын тоқтатуы;
- аумақтық сайлау комиссиясының жаңадан сайланған әкімді тіркеуі;
- Қазақстан Республикасының заңдарында көзделген өзге де жағдайларда тоқтату қарастырылған;
2) аудандық маңызы бар қалалардың, ауылдардың, кенттердің, ауылдық округтердің әкімдері болып сайланған әскери міндеттілерді әскери жиындарға шақырудан босату;
3) аудандық (қалалық) сайлау комиссиясынан құжаттар алған сәттен бастап отыз күн ішінде кандидатқа арнайы тексеру жүргізу;
4) ауыл әкімдері үшін ротацияны, аттестаттауды және тәртіптік теріс қылықтары мен жазалары үшін лауазымын төмендетуді алып тастау;
7) саяси партиялардың ауыл әкімдігіне кандидаттар ұсынуы жөніндегі жарғысын, құқықтары мен міндеттерін толықтыру бөлігіндегі өзгерістер енгізуді көздейді.