Цвет сайта
Расстояние между буквами
Шрифт
Изображения
Қазақстан Республикасы
Парламентінің Сенаты

Өмірбаяны

Нухұлы
Алтынбек

 

Павлодар облысынан сайланған Қазақстан Республикасы Парламенті Сенатының депутаты (2020 ж.), Әлеуметтік-мәдени даму және ғылым комитетінің мүшесі Нухұлы Алтынбек 1962 жылы 10 маусымда Павлодар облысы, Баянауыл ауданы, Қ.Сәтбаев атындағы ауылда туған.

1984 ж. Қазақ мемлекеттік университетінің (Әл-Фараби атындағы Қазақ Ұлттық университеті) химия факультетін үздік бітірген. Химия ғылымдарының докторы, профессор, ҚР ҰҒА корреспондент-мүшесі, Инженерлік ғылымдар халықаралық академиясының академигі.

 

          Еңбек жолы:

  • Әл-Фараби атындағы  ҚазҰУ физикалық химия және электрохимия кафедрасының зертханашы, зерттеуші-тағылымдамашы  (Иваново қаласы, Ресей), аспирант, ассистент, аға оқытушы, доцент, профессоры, ҚР Экономика министрлігі микроэкономика саясаты бас басқармасы мұнайхимия бөлімінің бас маманы (Алматы, 1984-1999 жж.);
  • ҚР Білім және ғылым министрлігінің жоғары білім және ғылым департаменті мемлекеттік стандарттар және нормативтік база бөлімінің бас маманы, Жоғары оқу орындарын аттестаттау бөлімінің бастығы  (Астана, 1999-2001 жж.);
  • С.Торайғыров атындағы Павлодар мемлекеттік университетінің ғылыми жұмыс және халықаралық байланыстар жөніндегі проректоры  (Павлодар, 2001-2003 жж.);
  • Көпбағдарлы гуманитарлық-техникалық университеттің ректоры (Қарағанды, 2003-2004 жж.);
  • Инновациялық Еуразия университетінің ректоры, Павлодар мемлекеттік педагогикалық  институтының ректоры  (Павлодар, 2004-2008 жж.);
  • ҚР БҒМ Ғылым комитеті төрағасының орынбасары,  ҚР Премьер-Министр кеңсесінің индустриалды-инновациялық даму бөлімі секторының меңгерушісі,    «Астана» университеті ректорының кеңесшісі (Астана, 2009-2016 жж.);
  • Павлодар мемлекеттік педагогикалық институтының, 2017 жылдан университетінің ректоры (Павлодар, 2016-2020 жж.).

     

    Партияға қатыстылығы мен сайланбалы қызметтері:


  • «Аманат» партиясының мүшесі;
  • Павлодар қалалық мәслихаты 6 шақырылымының депутаты (2017); 
  • Қазақстан Журналистер одағының мүшесі (2005);
  • «Қ.И.Сәтбаев халықаралық қоры» қоғамдық қорының қамқоршылық кеңесінің төрағасы  (2019).

     

    Ғылыми еңбектері және басылымдары:

     

  • барлығы 556 жұмыс, оның ішінде 5 монография, 16 оқулық және оқу-әдістемелік құралдар, 23 патент пен авторлық куәліктер және т.б.
  •   Ы.Алтынсарин шығармалары жинағының 5 томдығы;
  •  «Өнегелі тұлғалар» кітаптар сериясы; 
  • 5-7 сыныптарға арналған «Өлкетану–Краеведение» оқулығы;
  • «Баянаула перзенттері» көптомдығы.

     

    Жасалған жобалардың идея авторы және жетекшісі:

     

  • Марғұлан орталығы және Сұлтанбет сұлтанның ғылыми-білім беру кешені;
  • Павлодар облысының қасиетті объектілер карталары;
  • «Ақкелін» тарихи-мемориалдық кешені, құрамында Мұса Шорманұлының кесенесі, Шорман би отбасының үй-жайы және «Туған жердің тарихи тұлғалары» музейі;
  • «Павлодар облысының 100 тарихи тұлғалары» атты қазақ және орыс тілдеріндегі 200 қысқаметражды фильмдер;
  • Елордадағы академик Қаныш Сәтбаев ескерткіші.

 

       Марапаттары мен атақтары:

 

  • "Құрмет" ордені (2018);
  • «Қазақстан Республикасы Тәуелсіздігінің 20 жылдығы» мерейтойлық медалі (2011);
  • «Қазақстан мәслихаттарына 25 жыл» мерейтойлық медалі (2020);
  • «Облыс алдында сіңірген еңбегі үшін» төсбелгісі (2019);
  • «Қазақстан Республикасы білім беру ісінің құрметті қызметкері» төсбелгісі (2001),
  •  «Қазақстан Республикасының ғылымын дамытуға қосқан үлесі үшін» төсбелгісі (2004);
  • «Ы. Алтынсарин» төсбелгісі (2017);
  • А.Байтұрсынов атындағы алтын медаль төсбелгісі(2017);  
  • Бірінші дәрежелі академик Қ.И. Сәтбаев атындағы сыйлық (2007);
  • Академик Е. Бөкетов атындағы ғылым саласындағы сыйлық (2021);
  • «Қазақстан Республикасы Тәуелсіздігінің 30 жылдығы» медалі (2021);
  • «Бірлік» алтын медалі  (2021);
  • «Мәдениет саласының үздігі» төсбелгісі (2021);
  • ПМПУ-дың «Құрметті профессоры»(2020);
  • Торайғыров Университетінің  «Құрметті профессоры»(2021);  
  • Павлодар облысы «Баянауыл ауданының Құрметті азаматы» (2018).  

            Отбасылы, қызы және ұлы бар.