Сенаттың Экономикалық саясат, инновациялық даму және кәсіпкерлік комитетінің кеңейтілген отырысында Еуразиялық экономикалық одақ аясындағы халықаралық келісімдерді ратификациялау туралы заңдарды қарастырды.
Сенаторлар «Еуразиялық экономикалық одақ кеден аумағынан шығарылатын тауарлардың шығу тегін анықтаудың үйлестірілген жүйесі туралы келісімді ратификациялау» туралы заңды қарастырды. Құжат тауарларды ЕАЭО кеден аумағынан шығарған кезде олардың шығу тегін анықтау және растау тәртібін біріздендіруге бағытталған. Келісім тауарлардың шығу тегін анықтайтын жалпы ережелерді орнатады, экспорт кезінде оларды растау тәртібін белгілейді және шығу сертификаттарын электронды жүйеде тексеруді қамтамасыз етеді.
Сонымен қатар «Еуразиялық экономикалық одаққа мүше мемлекеттердің техникалық регламент талаптарын орындауды мемлекеттік бақылау (қадағалау) жүргізу қағидалары мен тәсілдеріне өзгерістер енгізу туралы 2021 жылғы 16 ақпандағы хаттаманы ратификациялау» туралы заң қаралды. Бұл хаттама ЕАЭО-ға мүше мемлекеттердің техникалық регламенттерді орындауға қатысты мемлекеттік бақылау саласындағы заңдарын үйлестіруге бағытталған.
Сондай-ақ сенаторлар «Еуразиялық экономикалық одақ пен оған мүше мемлекеттер бір тараптан және екінші тараптан Моңғолия арасындағы уақытша сауда келісімін ратификациялау» туралы заңды қарады. Келісім тараптар арасындағы тауар саудасын либерализациялауды және жеңілдетуді, тарифтік және тарифтік емес кедергілерді жоюды, кедендік әкімшілікті жеңілдетуді, тәуекелдерді басқару жүйелерін қолдануды, сондай-ақ техникалық және санитарлық реттеуді реттеуді қарастырады.
Кездесу қорытындысы бойынша Комитет мүшелері заңдарды Палата қарауына жіберу туралы шешім қабылдады.
(Сенаттың Баспасөз қызметі, 74-71-37)
