Сайрам ауданының тұрғындарымен кездесіп, «Агрогрин» кәсіпорынының жұмысымен танысты.
Сайрам ауданында өткен кездесу.
Парламент Сенатының депутаты Әли Бектаев Сайрам ауданының тұрғындарымен кездесіп, аудандық индустриялық аймағындағы кәсіпорындардың жұмысымен танысты. Аудан тұрғындарымен жүздесуде Парламенттің заң шығару қызметі, аймақтағы әлеуметтік мәселелерді шешудің келешегі туралы әңгімеледі.
Кездесулердегі әңгіменің басты тақырыбы Елбасы Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» Жолдауындағы 10 негізгі міндет туралы болды. Ә.Бектаев атап өткендей, Мемлекет басшысының бастамалары еліміздің технологиялық және инфрақұрылымдық дамуының жаңа негізгі сатысы болуға тиіс. Экономиканы, саясатты және ұлттық сананы жаңғырту – еліміздегі ауқымды жаңарулардың негізгі бөліктері болып табылады.
