Сенаторлар Шымкент тұрғындарына жаңа Конституция жобасының негізгі ережелері туралы айтып берді
ҚР Парламенті Сенатының депутаттары Нұрлан Бекназаров пен Айгүл Қапбарова Amanat партиясындағы коалиция мүшелерімен бірлесе отырып Жолдасбеков атындағы № 9 лицей ұжымымен және Шымкент қаласының № 2 көпсалалы ауруханасының қызметкерлерімен кездесті.
Парламентшілер жаңа Конституция жобасының негізгі ережелерін түсіндіріп, ол нақты өзгерістер туралы емес, еліміздің одан әрі дамуын айқындайтын стратегиялық құжат екенін атап өтті. Қатысушыларды әлеуметтік кепілдіктерді сақтау, мемлекеттік басқару жүйесін жаңғырту, сондай-ақ білім беру және денсаулық сақтау салаларын дамыту мәселелері қызықтырды.
Нұрлан Бекназаров ұсынылған өзгерістер құқықтық мемлекетті нығайтуға және азаматтардың билік институттарына деген сенімін арттыруға бағытталғанын атап өтті.
«Жаңа Конституцияның жобасы құрылымдық өзгерістермен шектелмейді. Ол мемлекеттік басқарудың жауапты үлгісін қалыптастыруға, азаматтардың құқықтарын қорғаудың нақты тетіктерін күшейтуге және қоғам мен билік арасындағы сенімді институционалдық нығайтуға бағытталған. Бұл құқықтық мемлекеттің сапалы жаңа кезеңге көшуі. Конституция басқару жүйесінің ашықтығын, билік тармақтарының тепе-теңдігін бекітеді және дербестіктің жалғыз тасымалдаушысы ретіндегі халықтың рөлін нақты айқындайды», - деп атап өтті Нұрлан Бекназаров.
Айгүл Қапбарова әлеуметтік мемлекет қағидатына және адами капиталды дамытудың басымдығына назар аударды.
«Жаңа Конституция әлеуметтік мемлекет қағидатын нақты және айқын бекітеді. Ол білім беру және медициналық көмек саласындағы мемлекеттік кепілдіктердің сақталуын білдіреді. Сонымен қатар, жобада білім, ғылым және инновация ел дамуының стратегиялық басымдығы ретінде белгіленген. Қазақстанның болашағы конституциялық деңгейде адами капитал мен зияткерлік әлеуетке негізделгені бекітіледі. Бұл жаңа сапа экономикасына көшу үшін құқықтық негіз жасайды», - деп атап өтті сенатор.
Медицина қызметкерлерімен кездесу барысында денсаулық сақтаудағы мемлекеттік кепілдіктерді қамтамасыз ету, еңбек қауіпсіздігі және кәсіптік құқықтарды қорғау мәселелері де талқыланды.
Депутаттар кездесу соңында алдағы 15 наурызда өтетін республикалық референдумның маңыздылығын атап өтіп, азаматтарды дауыс беруге белсенді қатысуға шақырды.
