Конституция жобасының маңызды өзгерістерін «Ульба ТВС» ұжымына түсіндірдік
Бүгін ақпараттық-түсіндіру жұмыстары аясында «УМЗ» АҚ-нің еншілес кәсіпорны болып табылатын «Ульба-ТВС» ЖШС жылу бөлетін жинақтар шығаратын зауытының ұжымымен кездестік.
Кездесу барысында кәсіпорын ұжымын Конституция жобасының негізгі жаңалықтарымен жан-жақты таныстырды. Конституцияда білім, ғылым және инновация ұғымдарының айқын бекітілуі елдің бәсекеге қабілеттілігін арттыру мен Қазақстан экономикасының тұрақты дамуын қамтамасыз етудің стратегиялық факторы екені атап өтілді.Сондай-ақ, еңбек құқығы мен еңбек қауіпсіздігі мәселелеріне ерекше назар аударылды. Ел тарихында алғаш рет Конституция жобасында жұмысшылардың құқықтары конституциялық деңгейде бекітіліп, еңбек жағдайларының қорғалуын және өндіріс қауіпсіздігін қамтамасыз етеді, бұл азаматтардың әлеуметтік әл-ауқатының сенімді негізін қалыптастырады.
«Ульба-ТВС» ұжымы жаңа конституциялық механизмдерге ерекше қызығушылық танытып, бірпалатты Парламенттің (Құрұлтай) артықшылықтары, Халық Кеңесінің рөлі және қоғам мен заң шығарушылар арасындағы тікелей өзара әрекеттесу мүмкіндіктері туралы сұрақтар қойды. Сенаторлар жаңа құрылым заң шығару процесін жеделдететінін, депутаттардың жеке жауапкершілігін арттыратынын және қоғаммен тікелей байланыс орнататынын атап өтті.
Сонымен қатар, ұсынылып отырған өзгерістердің негізгі құндылықтарды: адал азаматты, моральдық қағидаттарды, отбасы дәстүрлерін сыйлауды, патриотизмді және әрбір азаматтың ел болашағына жауапкершілігін бекітетінін ерекше атап көрсеттік.
Кездесу соңында жаңа Конституцияны қабылдау жөніндегі алдағы Референдумға барлық қазақстандықтардың қатысуының маңыздылығын тоқталып, әрбір азаматтың белсенді азаматтық ұстанымы әділетті, мықты және өркендеген Қазақстанды қалыптастырудың кепілі екені айтылды.
