Новости

Меңдіқара ауданында сенаторлар Боровское ауылындағы бірқатар нысандармен танысты. «Восток-1» ЖШС сүт-тауар фермасында мал шаруашылығын дамыту және аграрлық секторды мемлекеттік қолдау мәселелерін қарастырды. Бұл нысан 1200 басқа арналған Жол картасы аясында іске асырылды. «Отан» шағын ауданында депутаттар Меңдіқара ауданы әкімдігінің коммуналдық-тұрғын үй қорынан тұрғын үй алуға кезекте тұрған аудан отбасыларының тұрғын үй жағдайларын жақсартуға бағытталған жаңа тұрғын үй құрылысының барысын тексерді. Сондай-ақ, үздіксіз жылумен қамтамасыз ететін орталық блокты модульдік қазандықтың құрылысы қаралды.

«Асеева Т.Б.» ЖК өсімдік майын өндіру цехында сенаторлар қайта өңдеу өнеркәсібінің келешегі мәселелерімен танысты. «М.Қарабаев атындағы Қостанай облыстық оңалту орталығына» бару шеңберінде медициналық көмек және пациенттерді әлеуметтік бейімдеу мәселелері көтерілді. Кездесу барысында Меңдіқара ауданының депутаттарымен және активімен әлеуметтік даму, жұмыспен қамту және инфрақұрылым мәселелері талқыланды.

Делегация Ұзынкөл ауданында жұмысын жалғастырды. Депутаттармен және аудан активімен кездесу барысында ауыл шаруашылығы саласындағы субсидиялауға, интернет алаяқтықтың алдын алуға, қоғамдық қызметкерлердің жалақысын көтеру қажеттілігіне қатысты мәселелер қозғалды. 

​          Сенаторлар «Инженерлік желілері бар 18 пәтерлі тұрғын үй құрылысы» нысанын қарап шықты, онда халықты қолжетімді баспанамен қамтамасыз ету жұмыстары жүргізілуде. Сонымен қатар, жастар үшін спорттық инфрақұрылымның маңызды объектісі – дене шынықтыру-сауықтыру кешеніне көшумен жабық хоккей кортын салу барысымен танысты. Сапар Ұзынкөл аудандық ауруханасына барумен аяқталды, онда медициналық қызметтердің сапасын арттыру шаралары талқыланды.