Халықаралық қызметі - Қазақстан Республикасы Парламентінің Сенаты

Цвет сайта

Расстояние между буквами

Шрифт

Изображения

Депутаттар / Халықаралық қызметі

Президент Жолдауы - Қазақстанның Орнықты даму мақсаттары,н орындау алгоритмі деуге болады. Бұл жөнінде БҰҰ-ның Қазақстандағы өкілдігімен кездесуде ой бөлістік.

06.09.2023 0

Сенатор Б.Жексенбай биыл 8-ші рет өткізіліп отырған "Қазақстан шетелдік БАҚ көзімен" атты байқаудың марапаттау рәсіміне қатысты. Биыл байқауға 40 елден шетелдік журналистер мен блогерлердің 70-тен астам өтінімі келіп түсті. Шетелдік журналистердің Қазақстанға деген қызығушылығының жыл өткен сайын артып келе жатқанын байқауға болады. Өтінімдер санымен бірге қозғалатын тақырыптар ауқымы да кеңейіп келеді.

29.08.2023 0

Б.Жексенбай Конституциялық соттың судьяларымен және республикалық БАҚ-тың басшыларымен кездесті. Кездесуге қатысушылар Конституциялық соттың жұмысы, азаматтардың конституциялық құқықтарын қорғаудағы және заңның үстемдігін қамтамасыз етудегі рөлін талқылады. Сенатор конституционализм қағидаттарын ілгерілетуде және қоғамда жоғары құқықтық мәдениетті қалыптастыруға ықпал ететін құқықтық интерпретация жүргізуде өзара тиімді ынтымақтастықтың маңыздылығын атап өтті.

28.08.2023 0

Б.Жексенбай Қазақстанда парламеншілікті дамыту қоры мен ЕҚЫҰ, Еуроодақ, БҰҰ әйелдер құрылымы мен Ұлыбританияның, Финляндия және Нидерланды Корольдігінің Қазақстандағы елшіліктерінің қолдауымен өткен "Сайлау 2023: сабақтары мен жаңа мүмкіндіктері" атты халықаралық конференцияға қатысты. Конференцияда көтерілген негізгі мәселе - саяси процестердегі гендерлік тепе-теңдік. Сенатор өз кезегінде Парламент Сенатының қоғамдағы әйелдер рөлін арттырудағы негізгі бағыттары жөнінде айтты.

25.08.2023 0

Сенатор Б.Жексенбай ҚР Парламентінде көшбасшы әйелдерге арналған "Tomiris" оқу бағдарламасының қатысушыларымен кездесіп, пікір алмасты. Аталған жоба "Amanat" партиясының Саяси менеджмент академиясы, Қр Президенті жанындағы Әйелдер істері және отбасылық-демографиялық саясат жөніндегі Ұлттық комиссияның қолдауымен және Конрад Аденауэр қоры арқылы екі жылдан бері жүзеге асырылып жатыр. Кездесу барысында сенатор Сенат жұмысы туралы кеңінен ақпарат берді.

25.08.2023 0

Сенат депутаты Б.Жексенбай Сенат төрағасы М.Әшімбаевтың басшылығымен өткен ЕҚЫҰ төрағасы - Солтүстік Македония Республикасының Сыртқы істер министрі Буяр Османимен кездесуге қатысты. Кездесу барысында қос тарап Қазақстан Парламенті Сенаты мен ЕҚЫҰ Парламенттік Ассамблеясы арасындағы ынтымақтастықты одан әрі дамыту жөніндегі мәселелерді талқыланды.

11.08.2023 0

Бибігүл Жексенбай Жапония Парламентінің Қазақстанмен достық лигасының төрағасы Тошиаки Эндомен кездестуге қатысты. Кездесуде тараптар парламентаралық ынтымақтастықты одан әрі нығайту мәселелерін талқылады. Сондай-ақ Палата Спикері Жапония Парламентінің Қазақстанмен достық лигасының жұмысын жоғары бағалап, парламентаралық ынтымақтастықты халықаралық ұйымдар аясында да арттырудың маңызды екенін тілге тиек етті.

05.07.2023 0

Бибігүл Жексенбай бір топ сенаторлармен бірге Ұлыбритания және Солтүстік Ирландия Біріккен Корольдігінің Қазақстан Республикасындағы Төтенше және Өкілетті Елшісі Кэтрин Личпен кездесті. Кездесу барысында Қазақстан бүгінде өз дамуының маңызды тарихи кезеңінде екенін атап өтілді. Президент Қасым-Жомарт Тоқаевтың реформалар бағдарламасында гендерлік дамуға бағдарланған стратегияға ерекше мән беріліп отыр.

26.06.2023 0

Мәулен Әшімбаев Қазақстанға ресми сапармен келген Қырғыз Республикасы Жогорку Кенешінің Төрағасы Нұрланбек Шакиевпен кездесті. Сұхбат барысында парламентаралық ынтымақтастықты одан әрі нығайту және елдер арасындағы серіктестікті кеңейту мәселелері талқыланды.

26.06.2023 0

Бір топ сенаторлар Моңғолияның Мемлекеттік Ұлы Хуралы депутаттарының делегациясымен кездесті. Делегацияны «Моңғолия-Қазақстан» депутаттық достық тобының жетекшісі Бәделхан Қабдысіләмұлы бастап келді. Отырыста екі ел арасындағы саяси саладағы ынтымақтастық тарихы терең байланыстарға негізделгенін және өзара құрмет пен қолдау рухында ұдайы дамып келе жатқанын атап өтілді.

23.06.2023 0

Сенат депутаты Бибігүл Жексенбай Израиль Кнессетінің Спикері Амир Оханамен болған кездесуге қатысты. Онда екі ел арасындағы парламентаралық ынтымақтастықты одан әрі нығайту мәселесі талқыланды.

06.06.2023 0

Бибігүл Жексенбай Сенат депутаттарымен бірге Мысырда Бейбарыс сұлтан мешітінің ашылу рәсіміне қатысты. Іс-шара даңқты билеушінің 800 жылдығына орай ұйымдастырылып отыр. Салтанатты жиын барысында Палата Спикерімен бірге Әл-Азһардың Жоғарғы имамы, шейх Ахмед ат-Тайеб, дін өкілдері, сондай-ақ, Қазақстан мен Мысырдың мемлекет және қоғам қайраткерлері сөз сөйледі.

04.06.2023 0

Бибігүл Жексенбай Бейбарыс Сұлтанның 800 жылдығына арналған ғылыми конференцияға қатысты. Іс-шара барысында Қазақстан және Мысыр ғалымдары баяндама жасады және өзара ғылыми байланысты одан әрі дамыту мәселелерін талқылады. Сенат төрағасы Мәулен Әшімбаев алдымен түркіден шыққан даңқты билеушінің тұлғасы мен өмірін дәріптейтін ауқымды жиынды жоғары деңгейде өткізгені үшін Мысыр басшылығы мен халқына Қазақстан Президенті Қасым-Жомарт Тоқаевтың алғысын және жылы лебізін жеткізді.

03.06.2023 0

Сенатта Қазақстан мен Грузияның парламентаралық ынтымақтастығы талқыланды. ҚР Парламенті Сенаты депутаттары Грузия Парламенті Сыртқы байланыстар комитетінің мүшесі, Қазақстанмен Ынтымақтастық жөніндегі достық тобының төрағасы Давит Матикашвилимен кездесті.

25.05.2023 0

Сенат депутаты Бибігүл Жексенбай Түркі мемлекеттері Парламенттік Ассамблеясының XII отырысына қатысты. Онда тараптар ынтымақтастық туралы хаттамаға қол қойды.

27.04.2023 0